اعلان

اعلان

اعلان عن بيع الطول والعرض

وحيطان البيت وتراب الارض اعلان عن بيع الروح والجسم

وكل حروف الاسم

اعلان عن بيع كل الاحلام والافكار وكل سنين المشوار

وبيع الافراح والاحزان

اعلان عن بيع الضحكة الصافية والضحكة المقهورة

وبيع النفس المكسورة

وبيع البرواز والصورة وكل الالوان

اعلان عن بيع الاهل وكل الاصحاب والقلب ولو لسه جواه احباب

وبيع العمر الكداب والعود الدبلان

اعلان عن بيع كل الممكن وكل اللى مش فى الامكان

اعلان عن بيع انسان

يعلن هذا المعلن عن بيع كل فصول شتاه وصيفه

وربيع العمر وخريفه وتخريفه

واى كلام كان من تأليفه

وكل الكتب اللى شايلها فى الشنطة

وبيع تذكرة القطر وبيع الشنطة

اعلان عن بيع الانسان صاحب هذا الاعلان

ولان المعلن مش عارف هو يساو كام

ولانه يبيع انسان فى زمان

ارخص حاجة فيه الانسان

هيكون البيع بالمجان

يعنى اللى هايختار هايشيل

ولا يمكن ولاينفع يرجع فيا كل اللى بصين فى عينيا

أقروا الاعلان

أقروا الاعلان

للشاعر:شادى ظلت

رسم:حسن اللى هو انا

بقينا مدوناتية

خلاص ياجماعة ياللى هاتشوفى كلامى ده بعدين انا بقيت من اصحاب المدونات والحمد لله وده حصل بعد تفكير طويل وعناء مابعده عنا ء من اجل خلق المدونة المحترمة اللى انتو شايفنها دى وان شاء الله هايبقى لقيها باع كبير فى منظومة المدونات اللى كل يوم ينشوفها وبنستمتع بيها وكمان نفسى اقولكم ايه اللى شدنى انى اعمل مدونة تتكلم عنى وعن زميلى وعن جيلى كله علشان من اخر كده نشكى حلنا ونوصل صوتنا لحد مش مهم اللى يقرأ الكلام ده انه يساعد جيل بحاله لا كفاية يكون معانا وحاسس بينا وكمان يحلم معانا باللى احنا عايزينه ونفسنا نحققه علشان نعيش عيشة كريمة ومحترمة وبجد انا تعبت اوى علشان انا كنت لا افقه شىء عن المدونات وبتتعمل ازاى بس الحمد لله لقينا اللى يساعدنا ويمحى الجهل اللى انا كنت فيه وكمان المدونة مش هاتقتصر على كتاباتى لا دا فى جيش مستنى يكتب عندى اه والله جيش يعنى كل اصحابى هايكتبو عنهم وكمان اخويا يعنى هاتبقى موسوعة حكايات عن مجوعة شباب عايشين على ارض مش مقدرين قيمتهم بجدهما نفسهم يكونوا بس عايزين الفرصة يارب معانا يارب